Каталониянинг «Барселона» клуби собиқ ҳимоячиси Хавьер Маскерано Неймарни каталонияга қайтиши мумкинлиги ҳақидаги хабарларга муносабат билдирди.
Айни пайтда Аргентинанинг «Эстудиантес» клубида ўйнаётган 35 ёшли футболчининг фикрича, Неймар – Месси – Суарес триоси "Барселона" клубида даҳшатли кучга эга эди. Ушбу футболчиларни бирлаштириш мухлислар учун ажойиб янгилик бўларди деган фикрди.
«Куни кеча Берлиндаги финални (ЕЧЛ-2014/2015 финалида "Ювентус" клуби 3:1 ҳисобида мағлуб этилган – муаллиф) томоша қилдим ва ҳужумда вазиятларни яратган трионинг кучига қойил қолдим. Неймар, Суарес ва Месси… Уларнинг ҳар бир майдонда ўзига хос позицияга эга эди, прессинг борасидаги вазифалари, тўпни йшқотганидан кейин қиладиган иши ва ўйинни назорат қилиш. Улар бизнинг ўйинга даҳшатли кучни қўшардилар.
Умид қиламанки, Неймар «Барселона»га қайтади ва буларнинг уччаласи яна бирга ўйнайди. Бу клуб ва мухлислар учун ажойиб иш бўлади», – деди Маскерано.
