Англиянинг "Манчестер Сити" клуби ярим ҳимоячиси Кевин де Брюйне у илгари коронавирус билан оғриганини истисно қилмади.
Гап шундаки, бельгиялик футболчи ва унинг оиласи касал бўлган. Лекин футболчи бу коронавирусми ёки йўқми, буни аниқ билмайди.
"Менда ҳаммаси жойида. Оилам икки ҳафта мобайнида касал бўлди, гоҳида яхшиланди, гоҳида ёмонлашди. Аммо, ҳозир барчамиз соғайиб кетдик. Биз коронавирусга чалинганмидик ёки йўқми, билмаймиз, лекин ҳозир ҳаммамиз яхшимиз", - деди де Брюйне Sky Sports порталига берган интервьюсида.
Эслатиб ўтамиз, айни пайтгача дунё бўйича коронавирусга чалинган беморларнинг сони 2 231 792 тани ташкил қилмоқда.
