Кириш Регистрация
28/03 19:00 Динамо 2-1 Металлург
29/03 19:00 ОКМК - Бунёдкор
29/03 19:15 Қизилқум - Локомотив

Россия чемпионатини қайта бошлаш бўйича режалар маълум қилинди

Баҳо:
+ | -

Россия премьер-лигаси расмий сайти мухлислар ва журналистлар томонидан берилган саволларга жавоб берди. Эслатиб ўтамиз, Россия чемпионати коронавирус пандемияси туфайли 31 майга қадар тўхтатилган.

— РПЛ қачон қайта бошланади?
— Ҳукумат чекловларни бекор қилиши билан мавсумни қайта давом эттирамиз.

— РПЛ чемпионатни давом эттиришга қай тариқа тайёргарлик кўрмоқда?
— РПЛ раҳбарияти Россия футбол иттифоқи билан биргаликда ФИФА, УЕФА ва бошқа футбол ташкилотлари томонидан ўтказилаётган видеоконференцияларда иштирок этяпмиз. Доимий равишда янгиланаётган хабарлар асосида ушбу мавсум ва келаси мавсум тақвимининг турли вариантларини кўриб чиқяпмиз. Ҳозирча июнь ойи ўртасидаги ҳафтадан июль ойи ўртасигача бўлган оралиқда бошлашни режалаштиряпмиз. Мавсумнинг бошланиш санаси коронавируснинг тарқалиши ва ҳукуматнинг қарорига боғлиқ.

— Қолган ўйинлар мухлисларсиз ўтказилиши мумкинми?
— Ҳа, бундай эҳтимол мавжуд. Ишқибозларсиз ўйин ёмон эканини тушуниб турибмиз. Бошқа имкониятимиз бўлмаса, шундай йўл тутишга мажбурмиз.

— Чемпионатни ҳозир якунлаб қўйса бўлмайдими?
— УЕФА барча лигаларга мавсумни охирига етказишни маслаҳат берди. Спорт принциплари орқали чемпион, еврокубоклар иштирокчилари, чемпионатни тарк этадиган жамоалар аниқланиши керак.

— Футболчилар мавсумга қай тариқа тайёргарлик кўришади?
— Чемпионат қайта бошланишидан 3 ҳафта аввал футболчиларга тайёргарликни бошлашади.

Манба: sport24.ru
Киритилди: 21:10, 19.04.2020.
Ўқилди: 3936 марта.
Фикрлар: 0 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.