21 апрель. Эсда қоларли ўйин. Бир футболчининг бенефеси, сўнгги дақиқалардаги дуранг. Саккизта гол киритилган баҳс. Ҳамма нарса бор эди бу кеча.

Яқинда Андрей Шевченконинг “Милан”даги дебют мавсумини кўргандик. “Лацио” дарвозасига киритилган тўртта голдан учтаси Шевага тегишли эди. Табиийки, украин йигити билан кўпчинча рус легионерлари ҳам таққосланиб келадилар.

Андрей Аршавин “Арсенал”га йўл олар экан, худди шу тақдирни ният қилганди мухлислари. Рус ўғлони ҳам ўша “Лацио”-“Милан” ўйини каби 4:4ли учрашувнинг бош қаҳрамонига айланди. Адашидан фарқли равишда у тўртта голни-да ўзиники қилиб олганди. Рақиб таркибидаги Торрес ҳам Салас каби энг яхши ўйинларидан бирини ўтказган ўша оқшом.

Аршавиннинг бир-биридан чиройли голларини кўрар эканмиз, унинг келажаги ҳақида ўйлай бошладик. Шевченконинг йўлидан кетармикан, ахир, мавсумнинг энг муҳим ўйинида шундай ҳаракат қилди-ку. Йўқ, Андрей адашининг изини йўқотиб қўйди. Шу мавсумнинг ўзидаёқ. Фақат ундан хотира бўлиб шу учрашув қолди. Терма жамоасида Нидерландия миллий жамоасини мағлуб этган Евро баҳси каби. Ҳаётида бир марта бўлса ҳам отади дейдию бир қуролни.

Шунингдек, Черданцевнинг-да фаолиятида бошқа такрорланмас ҳиссиётларига ҳам сабабчи бўлди. Энг зўр шарҳи бўлганди менимча.

Хайрулла Ҳамидов.