2017-йилнинг 21-апрел куни “Локомотив” сафарда “Пахтакор” меҳмони бўлиб 2:1 ҳисобида ғалаба қозонганди.

“Локомотив” етакчиларидан бири Марат Бикмаев уч йил олдин айнан шу куни бўлиб ўтган учрашувни ёдга олди.

- “Жуда қизиқ ўйин бўлганди. Иккита гол урганим ҳам эсимда. Биринчисини пеналтидан урганман. Иккинчи голни Махарадзе тўпга бош билан зарба берганидан сўнг Лобанов қайтарган ва қайтган тўпни бўш дарвозага киритгандим”.

- “Пахтакор” ва “Локомотив” ўртасидаги баҳслар доим қизиқ кечган. Чунки бу дерби ҳисобланади. Алашмасам, ўша ўйинда Станислав Андреев бизга пеналтидан гол ура олмаганди. Қолаверса, “Пахтакор”нинг икки футболчиси қизил карточка олган".

- “Бу учрашув биз учун муҳим аҳамиятга эга эди. 2017-йил чемпион бўлганмиз ва чемпионликда мана шу ғалабанинг ҳиссаси катта бўлган. Умуман олганда ўйиндан жуда яхши таассуротлар қолган”, - дейди Марат Бикмаев.