Бразилиялик собиқ футболчи Каканинг агентини айтган гапларига қараганда, Кака Мадриднинг "Реал" клубига ўтганидан афсусда бўлган экан.

Кака 2009 йили «Милан» клубидан Мадриднинг «Реал» клубига йўл олган эди. "Милан" клуби раҳбарияти ўзининг юлдуз футболчисини сотиш ниятида бўлмаган, бироқ, молиявий инқироздан чиқиб кетиш учун уни сотиб юборишга мажбур бўлишганди.

Айтилишича, Кака ушбу трансферга қаршилик қилган, лекин клубга бўлган муҳаббати сабаблигина, уни инқироздан олиб чиқиш учун "Реал"га ўтишга мажбур бўлган.

«Милан»да у бахтиёр эди. У ҳеч қачон жамоадан кетишни хоҳламаган. Ҳаммасига пул сабабчи бўлди. Ҳатто, Кака маошининг камайтирилишига ҳам рози эди, аммо, бу вариант «Милан»ни молиявий инқироздан чиқиб кетишига камлик қиларди, шу сабабли, у «Россонерлар»га ёрдам бериш учунгина "Реал"га йўл олганди.

Кака «Реал»да ҳамма яхши бўлади деб ўйлаганди, чунки, "Реал" топ клуб эди. Бироқ, унга «Реал» мос келмаган», — деди агент.