Италиянинг «Милан» клуби ҳужумчиси Златан Ибрагимович яқин вақт ичида фаолиятини якунламаслигини маълум қилди.
Ҳужумчи айни пайтда спорт формасини ушлаб туриш учун маҳаллий «Хаммарбю» клуби билан машғулот ўтказиб турибди.
«Милан» клуби билан шартномам бор, кўрамиз, воқеалар ривожи нима билан якунланаркан. Мен доим иложи борича узоқроқ муддат ўйнаш ниятида эканлигимни гапириб келганман, лекин олдинда сизни нималар кутаётганини ҳеч қачон билмайсиз. Мен ўйнашни ва фарқ қилишни хоҳлайман, ўтмишдаги ютуқларим сабабли майдонга чиқишни истамайман. Агар сиз бирор жамоа таркибида экансиз, Сиз албатта ўз ҳиссангизни қўшишингиз шарт», – Ибрагимовичнинг сўзларидан иқтибос келтирмоқда Football Italia.
