Англиянинг «Манчестер Юнайтед» клуби собиқ сардори Рой Кин коронавирус билан боғлиқ вазият ва футболдаги иқтисодий инқироз ҳақида ўз муносабатини билдирди.
«Европанинг катта клубларида тўп сураётган футболчилар катта босим остида қолишди. Агар мен ҳозир «Манчестер Юнайтед» футболчиси бўлганимда, маошим қисқартирилишига рози бўлмаган бўлардим. Албатта, жамоани қандай тарк этганимни ҳам ҳисобга оламан.
Ҳар ким ўзининг шартномасида кўрсатилган пулни олиши керак ва уни қандай сарф қилишни ўзи ҳал қилиши керак. Ўйлайманки, клуб раҳбарлари ўз футболчиларига босим ўтказиши номақбул ишдир.
Фикримча, иш ҳақининг бир қисмини рад этишга қаратилган маслаҳатлар – бемаъни нарсалар. Агар сиз ўз маошингизни бойлар билан бўлишмоқчи бўлсангиз – бу сизнинг ишингиз», — деди Рой Кин.
