Ла лига президенти Хавьер Тебас чемпионат қайта давом эттирилганидан кейин майдонга чиқишдан бош тортадиган клублар ва уларнинг футболчиларини жазолашини таъкидлаб ўтди.
«Агар ўйинчи ёки клуб майдонга чиқишдан бош тортса, нима бўлади? Клуб учун дастлабки жазо — техник мағлубият. Агар ўйинчи майдонга чиқишдан бош тортса, унга нисбатан санкция қўлланилади.
Мавсум муддатидан аввал якунланса — Ла лига клублари 1 млрд евро миқдорида зарар кўришади. Учрашувлар томошабинларсиз ўтказилса, зарар миқдори 350 млн еврога тенг бўлади», — деди Тебас "AS" нашрига берган интервьюсида.