"Манчестер Юнайтед" вице-президенти Эд Вудворд баёнот бериб, ҳозирги пайтда 100 миллион фунтлик трансферларни амалга оширишнинг имкони йўқлигини таъкидлади.
"Мазкур ёзда юз миллион фунтга трансферни амалга ошириш мумкинлиги ҳақидаги миш-мишлар, вазиятдан келиб чиқиб айтадиган бўлсак, реалликка мос келмайди.
Клубнинг тижорий модели бизни яна бақувват қилади. Бунинг учун бу борада бизга ёрдам бераётган ҳамкорларимизга миннатдорчилик билдирамиз.
Аммо мазкур ёзда ҳеч бир клуб, жумладан, биз ҳам трансфер бозорида аввалгидек иш юрита олмаймиз", – деди Вудворд "Sky Sports" нашрига берган интервьюсида.
Аввалроқ "Юнайтед" Жейдон Санчо, Харри Кейн ва Жек Грилишга қизиқиш билдираётгани ҳақида хабар тарқалган эди.