Англиянинг "Манчестер Юнайтед" клуби собиқ сардори Гари Невиллнинг фикрича, Жейдон Санчони топ футболчи эканлиги ҳақида гапиришга ҳали эрта экан.
«Менинг фикримча, Санчо ҳақида кўп гапириб юбордик ва уни ҳаддан ташқари мақтаб юбордик. Англияда кўплаб ажойиб футболчилар бор деб ҳисоблайман. Аммо, биз бошқа давлатларга ҳам қарашимиз керак. Аргентина, Германия, Бразилия ва Бельгиялар ҳам катта футболга бир қатор ёш футболчиларни тарбиялади.
Англия Бекхэм, Руни, Жеррард ва Лэмпардларнинг олтин авлоди сабаб машҳур бўлди. Бразилияда Роналдо, Ривалдо, Роналдиньолар ўйнашди. Уларнинг авлодларини қандай метал билан баҳолаш мумкин? Платина авлоди дебми? Аргентина Месси, Игуаин, Агуэроларни тарбия қилди. Мен ҳали Санчони ушбу футболчилар билан таққослашга тайёр эмасман», — деди Гари Невилл.
