Мадриднинг “Реал” клуби украиналик дарвозабон Андрей Лунинни кейинги мавсумда иккинчи посбонга айлантирмоқчи. Бу ҳақда AS нашри ёзмоқда.
Манбанинг хабарига кўра, “қаймоқранглилар” молиявий инқироз сабабли шу қарорга келган. “Реал” пандемия туфайли юзага келиши кутилаётган инқирозга тайёрланмоқда ва шу сабабли ойлик маошларини камайтириш истагида. Луниннинг “қироллик клуби”га қайтиши иккинчи посбоннинг маошини қисқартирилишига ёрдам беради.
Маълумот учун, ҳозирда “Реал”нинг иккинчи посбони Ареоля ҳисобланади. У йилига 2,7 миллион евро маош олади. Франциляик дарвозабон мавсум сўнггида ПСЖга қайтадиган бўлди.
Эслатиб ўтамиз, Лунин жорий мавсумни “Овьедо” сафида ижарада ўтказмоқда.
