Россия Футбол Иттифоқи бош котиби Александр Алаев коронавирус пандемияси туфайли тўхтатилган мавсум билан боғлиқ 2та вариантни айтди.
"Агар ҳукумат идоралари қарорига кўра мавсумни давом эттириш имкони бўлмаса, чемпион ва совриндорлар номи ҳозирги жадвал бўйича аниқланади: «Зенит» - чемпион, «Локомотив» - иккинчи, «Краснодар» - учинчи.
Қуйи лигага ҳеч ким тушиб кетмайди. Келаси мавсумда эса Премьер-Лигада 18та жамоа иштирок этади. Агар қуйи лигада пешқадамлик қилаётган "Ротор" ва "Химки" лицензиялашдан ўтса, Премьер-Лигага қўшилади.
Келаси мавсумда тақвим тиғизлиги туфайли, Россия Кубогидан воз кечамиз. Кубок соҳибига бериладиган Европа Лигаси йўлланмасини чемпионатдаги тўртинчи жамоа олади. Якуний қарор РФИ ижроқўмида қабул қилинади", – дейди Алаев.
