Италиянинг «Милан» клуби афсонавий футболчиси Паоло Мальдини футболчилик фаолиятидаги энг кучли жамоадоши ким эканлигини маълум қилди.

«Энг яхши жамоадошим? Марко ван Бастен. У ўнг оёқда ҳам, чап оёқда ҳам, ҳатто боши билан ҳам ажойиб ўйнарди. У кучли ва тезкор футболчи бўлган. У гол уришни ҳам, голга пас беришни ҳам қойиллатган. Қисқа қилиб айтадиган бўлсам, жуда кучли футболчи эди. Марко операция сабабли фаолиятини эрта якунлагани кўпчиликни хафа қилган», - Мальдинининг сўзларидан иқтибос келтирмоқда AD.nl сайти.