Англия Премьер-лигасининг тўртта мураббийи ва кўплаб футболчилари чемпионатни давом эттириши учун Буюк Британияга қайтиб келганларида 14 кунлик карантинга дуч келишлари мумкин дея хабар бермоқда The Times.
Уларнинг бири "Манчестер Сити" клуби бош мураббийи Хосеп Гвардиола. "Шаҳарликлар" бош мураббийи айни пайтда Каталония шаҳрида бўлиб турибди, яқинда коронавирус сабабли оламдан кўз юмган онасини сўнгги манзилга кузатди.
Шунингдек, жамоанинг саккиз нафар футболчиси ҳозирги кунда ўз мамлакатларида бўлиб туришибди. Булар Габриэль Жезус, Эдерсон, Фернандиньо, Родри, Бернардо Сильва ва Давид Сильвалар.
Англия ҳукумати қарорига кўра, юқоридаги футболчи ва мураббийлар 14 кунлик карантинга олинишлари мумкин.
