Швейцария федерал кенгаши бугун, 29 апрель куни карантин билан боғлиқ чораларни юмшатди. Бу спортга ҳам тегишли бўлиб, Суперлига клублари 8 май куни тўлақонли машғулотларни бошлашлари мумкин.
8 июнь куни мавсум қайта бошланиши кутилмоқда. Лекин учрашувларга томошабинлар киритилмайди. Маълумот ўрнида, Швейцария Суперлигасида сўнгги марта 23 февраль куни ўйинлар ўтказилган эди. 23-турдан кейин "Янг Бойз" ва "Санкт-Галлен" клублари 45 очко, "Базель" эса 40 очко жамғарган.
Эслатиб ўтамиз, Европада Нидерландия ва Франция чемпионатлари расман якунланган. Бельгия чемпионати эса шунга яқин турибди.