«РБ Лейпциг» ҳужумчиси Тимо Вернер ёзда жамоани тарк этмоқчи.
Журналист Кристиан Фальк тарқатган хабарга кўра, 24 ёшли футболчи фаолиятини «Ливерпуль»да давом эттирмоқчи. У «қизиллар» бош мураббийи Юрген Клопп билан бирга ишлашни истамоқда. У Бундеслиганинг бошқа клубларига ўтишни хоҳламаяпти.
Эслатиб ўтамиз, Вернерга давогарлик қилаётган клублар орасида «Барселона», «Бавария», «Интер», «Ювентус» ва «Манчестер Юнайтед» бор.
Германиялик футболчи ушбу мавсумда Бундеслига доирасида 25та ўйинда майдонга тушиб, 21та гол урди ва 7та голга узатма берди.