"Барселона" бош мураббийи Кике Сетьен "Ювентус" билан футболчи алмашиш мумкинлиги ҳақида фикр билдирди. Эслатиб ўтамиз, аввалроқ "Барса" яримҳимоячиси Артур Миралем Пьянич эвазига "Ювентус"га ўтиши мумкинлиги ҳақида хабарлар тарқалган эди. Сетьеннинг таъкидлашича, ҳозирги вазият трансферлар ҳақида очиқ гапиришга имкон бермайди.
“Мен раҳбарият билан тез-тез гаплашаман. Ҳеч ким менга бу ҳақда ҳеч нарса айтмади. Қолаверса, Артур аллақачон "Барса"да қолишни хоҳлаётганини икки марта айтган ва мен уни жуда яхши тушунаман. Пьянич ҳам ажойиб ўйинчи, аммо бугун трансферлар тўғрисида гаплашиш қийин масала», — деди Сетьен Италия матбуотига.