Лондоннинг "Арсенал" клуби раҳбарияти ушбу мавсум охирида ҳужумчи Пьер-Эмерик Обамеянг билан хайрлашишига тўғри келади.
"Тўпчилар" Чемпионлар лигасига чиқиш имконияти йўқлиги ва молиявий аҳволнинг ўзгариши сабабли 30 ёшли ҳужумчи билан янги узоқ муддатли шартнома бўйича келишиб олиш имкониятига эга эмасликларини тушунишади.
The Sun нашрининг ёзишича, "Арсенал" Обамеянгни атиги 30 миллион фунт эвазига қўйиб юборишга тайёр, бу клуб "Боруссия Д"га 2018 йил январида тўлаган миқдорнинг ярмига тенг.
Манбанинг таъкидлашича, Обамеянгнинг трансфери натижасида Лондон клуби нафақат 30 миллион фунт стерлингга эга бўлади, балки маош жамғармасининг катта қисмини бўшатади, бу эса "Челси" аъзоси Виллианни жамоага жалб қилиш, шунингдек, янги марказий ҳужумчи билан шартнома имзолаш имконини беради.
