Londonning "Arsenal" klubi rahbariyati ushbu mavsum oxirida hujumchi Pyer-Emerik Obameyang bilan xayrlashishiga to‘g‘ri keladi.
"To‘pchilar" Chempionlar ligasiga chiqish imkoniyati yo‘qligi va moliyaviy ahvolning o‘zgarishi sababli 30 yoshli hujumchi bilan yangi uzoq muddatli shartnoma bo‘yicha kelishib olish imkoniyatiga ega emasliklarini tushunishadi.
The Sun nashrining yozishicha, "Arsenal" Obameyangni atigi 30 million funt evaziga qo‘yib yuborishga tayyor, bu klub "Borussiya D"ga 2018 yil yanvarida to‘lagan miqdorning yarmiga teng.
Manbaning ta’kidlashicha, Obameyangning transferi natijasida London klubi nafaqat 30 million funt sterlingga ega bo‘ladi, balki maosh jamg‘armasining katta qismini bo‘shatadi, bu esa "Chelsi" a’zosi Villianni jamoaga jalb qilish, shuningdek, yangi markaziy hujumchi bilan shartnoma imzolash imkonini beradi.
