Англия футбол ассоциацияси (FA) Англия кубоги мусобақасини охирига етказиб қўйишга қарор қилди.
Мусобақа коронавирус пандемияси туфайли чорак финал босқичида тўхтаб қолган эди. Daily Mail хабар тарқатишича, Англия кубоги финали 8 август куни ўтказилади. Айнан шу баҳс мавсумдаги энг сўнгги учрашув бўлиши кутилмоқда.
Англия кубогини охирига етказиш Англия футбол ассоциацияси учун зарарларни камайтиришга олиб келади. Чунки турнирнинг телетрансляцияси ҳуқуқи учун пуллар тўлаб қўйилган. Кубокни охирига етказмаслик FA учун 100 млн фунт зарар келтириши мумкин.