"SportPesa" ёзувларни ўрнида "Swissx" ёзуви жой олиши мумкин.

Тиббий мақсадда гиёҳванд моддалар билан шуғулланувчи Swissx компанияси Англиянинг "Эвертон" клуби титул ҳомийсига айланиши мумкин. Бу ҳақда Insider.com сайти хабар тарқатди.

"Биз "Эвертон" клубига "Swissx" компаниясининг бир нечта логотипларини тақдим қилдик ва бу логотиплар футболкада қандай кўриниш ҳосил қилишларини кутяпмиз. Англияга биринчи марта келганимда деярли барча мухлис "Манчестер Юнайтед" ва "Ливерпуль" клублари мухлислик қилишларига гувоҳ бўлганман, уларнинг барчаси қизил рангли футболкаларда юришарди.

Менга эса доим кўк ранг ёққан. Шу сабабли, мен "Эвертон" клуби мухлисига айланганман. Шунингдек, менга клубнинг логотипи ҳам ёққан. Шунинг учун ўзига хос тасаввур мавжуд", - деди "Swissx" компаниясининг ижрочи директори Алки Дэвид.

Эслатиб ўтамиз, "Эвертон" клубининг титул ҳомийси "SportPesa" букмекерлик компанияси ҳисобланади. Уларнинг ўзаро ҳамкорлиги шу мавсум охирида ўз якунига етади.