"Тоттенхэм" посбони Уго Льорис Юрген Клопп жамоаси АПЛ чемпионлигига муносиб деб ҳисобламоқда.
Англияда мавсумни қайта бошлаш ҳақида ўйланмоқда. Ҳозирча аниқ сана йўқ. Шу билан бирга, мавсум муддатидан олдин тугаса, "Ливерпул"га чемпионлик соврини берилмайди.
"Биз қийин вазиятга тушиб қолдик. Мавсумни шу тарзда тугатиш даҳшатли бўлар эди.
"Ливерпул" деярли чемпион. Уларни совринсиз қолдириш — шафқатсизлик. Ўз навбатида, футбол ёпиқ эшиклар ортида ўтказиладиган спорт тури эмас. Томошабинсиз ўйнаш қийин.
Шу билан бирга, биз иқтисодий муаммоларни тушунамиз. Саломатлик ва мавсумни қандай якунлаш кераклиги тўғрисида керакли қарор чиқара олиш жуда муҳим», — деди Льорис.
"Тоттенхэм" айни дамда саккизинчи ўринга тушиб кетган бўлса ҳам, Чемпионлар лигаси йўлланмаси учун курашмоқда.
