"Реал" ёзда ярим ҳимоячи Хамес Родригесни сотмаслиги мумкин. Бу ҳақда "Marca" хабар тарқатди.
Манбага кўра, юзага келган иқтисодий инқироз туфайли мадридликлар янги ўйинчи харид қила олишмайди. Шунинг учун жамоа колумбиялик футболчи билан шартномани узайтириши мумкин. Зидан Хамесга имконият беришга тайёр.
Хамеснинг трансфер нархи 32 миллион евро баҳоланган. Ушбу мавсумда у "Реал" сафида 13та ўйинда майдонга тушиб, битта гол урди ва 2та голга узатма берди.