Германиянинг Гельзенкирхен шаҳрида 2016 йилда вафот этган "Шальке" клубининг собиқ ҳимоячиси Хианник Камба тирик ҳолда топилди, дея хабар тарқатмоқда Bild нашри.
Манбанинг ёзишича, футболчи автоҳалокатда вафот этган деб топилган ва унинг собиқ турмуш ўртоғи суғурта туфайли катта миқдордаги маблағни қўлга киритган.
Энди прокуратура кенг миқёсдаги фирибгарлик учун Камбанинг ўлим ҳақидаги гувоҳномасини қалбакилаштиришда гумонланиб жиноий иш қўзғатди.
Камба "Шальке" клуби тарбияланувчиси ҳисобланади. У Гельзенкирхенликларнинг ёшлар жамоасида тўп сурган. Шунингдек, Камба "Германия Гладбек", "Зекель", "Реклингхаузен", "Хелс", "Вестию Дистелн" ва "Хассел" клубларида ҳам ўйнаган.
