Германиялик мутахассис барча трансферларни ўзи амалга оширмоқчи.

Германиянинг "Лейпциг" клуби собиқ бош мураббийи Ральф Рангник узоқ вақтдан бери "Милан" клуби билан музокара олиб келмоқда. Бироқ, бир нечта мунозаралар юзага келди.

milannews.it сайтининг тарқатган маълумотига қараганда, германиялик мураббий агар "Милан" клуби бош мураббийи этиб тайинланса, у ҳолда Златан Ибрагимович билан хайрлашиш ниятида.

Бундан ташқари, Ральф барча трансферларни шахсан ўзи ўтказмоқчи ва унинг фикрича, "Милан"нинг амалдаги техник директори Паоло Мальдини трансферлар борасида бошқача нуқтаи назарга эга.

Аввалроқ, "Милан" совринсиз қоладиган бўлса ёки ЕЧЛга йўлланмаларни бирини қўлга кирита олмаса, у ҳолда жамоа бош мураббийи Пьолига чиқиш эшикларини кўрсатишини маълум қилган эди.