Англиянинг «Манчестер Юнайтед» клуби собиқ ҳимоячиси Патрис Эвранинг фикрича, Криштиану Роналду 2013 йили «Олд Траффорд»га қайтиш борасида келишиб қўйганди.
Шунингдек Эвра, ўшанда Фергюсон «Манчестер Юнайтед»ни Роналду ва Бейллар билан кучайтириш ниятида бўлган.
«Фергюсон истеъфога чиқиб кетишидан олдин Роналду ва Бейлнинг трансферини муҳокама қилганди. Криштиану қайтишга рози бўлганди, Бейл ҳам ўзини «Олд Траффорд»да синаб кўришга қарши эмаслигини билдирганди.
Фергюсон жамоани тарк этаётгани ҳақида хабарлар тарқалгач, барчаси барбод бўлганди. Унинг кетишидан кейин клубда тартибсизлик бошланишини ҳамма тушунарди», — деди Эвра.
