Нидерландиянинг «Фейеноорд» клуби бош мураббийи Дик Адвокат ёшлар жамоаси мураббийи Дирк Куйтнинг кейинги режалари билан ўртоқлашди.
Англиянинг "Ливерпуль" клубида сермаҳсул ўйин кўрсатган Дирк Куйт мавсум бошидан бери «Фейеноорд»нинг ёшлар жамоасини бошқариб келмоқда.
«Куйт келаётган ёзда жамоадан кетмайди, у мен билан бирга асосий таркибда иш бошлайди. Аммо, кейинчалик «Ливерпуль» ёки «Фенербахче» клубларини бошқариши эҳтимоли юқори. Бу клублар Куйтни ҳурмат қилишади. Ўйлайманки, Куйт «Фенербахче»га муносиб номзод. Менинг фикримча, турклар унга бош мураббийликни ишониб топширишга тайёр», — деди Дик Адвокат.