Римнинг «Рома» клуби мухлислари коронавирус пандемияси сабабли маълум муддат тўхтатилган А Сериянинг қайта тикланишига қаршилик қилишмоқда. Мухлислар махсус мурожаат билан чиқишиб, шаҳарнинг турли хил нуқталарига баннерлар осиб қўйишди.
«Асосийси - ҳурмат ва қадр-қиммат, биз учун чемпионат аллақачон якунланган. Концепция аниқ: Пул сиз учун соғлиқдан афзал», - деган баннерлар билан мурожаат қилишмоқда «Рома» мухлислари.
Аввалроқ, «Женоа» мухлислари мана шу руҳдаги қаршиликлар билан мурожаат қилишганди. Италиялик мухлислар А Сериянинг яқин келажакда тикланишини хоҳламаяпти.
