Бундеслига Германия ҳукуматидан футбол мавсумини қайта бошлаш учун расман рухсат олди. Ҳукумат мавсумни май ойининг иккинчидан ярмидан давом эттириш мумкинлигини маълум қилди.

Чемпионатни қачон санадан давом эттиришни Бундеслиганинг ўзи ҳал қилади. Учрашувлар гигиена қоидасига жиддий амал қилган ҳолда томошабинларсиз ўтказилади.

Шу тариқа, Бундеслига карантиндан кейин қайта бошланган Европанинг илк чемпионатга айланади.

Германия футбол лигаси ҳукумат қарорига қуйидагича муносабат билдирди:

«Бугунги қарор — биринчи ва иккинчи Бундеслига учун яхши янгилик. Бу қарор клублар ва уларнинг ходимларига катта масъулият юклайди. Томошабинларсиз ўйин барча учун идеал қарор эмас. Аммо инқироз пайтида бу ягона тўғри қарор. Бизга ишонч билдирган ҳукумат аъзоларига миннатдорчилик билдирамиз».