Чемпионат тақдири кейинги ҳафта ҳал бўлади

15 май куни белгиланган РФИ ижроқўмитаси Россия Премьер-Лигасининг муддатдан олдин якунланганини эълон қилади, дея хабар бермоқда «Спорт-Экспресс».

Манбанинг ёзишига қараганда, «Зенит» ўтказилган 22-турдан кейин чемпион деб эълон қилинади. Еврокубокларга ўринлар мавсум якунлангани эълон қилинганидан сўнг, жамоаларнинг эгаллаб турган ўринларидан чиқиб белгиланади.

«Зенит» ва «Локомотив» клублари ЕЧЛга тўғридан-тўғри йўл олади. «Краснодар» ЕЧЛнинг плей-офф босқичида иштирок этади. Европа Лигасининг гуруҳ босқичига «Ростов» клуби йўл олади. ЦСКА ва «Динамо» клублари эса 3 ва 2-саралаш босқичларида иштирок этишади.

Шунингдек, қайд этилишича, «Крылья Советов» ва «Ахмат» клублари РПЛдаги ўз жойларини сақлаб қолишади. Кейинги йилги мавсумда 18 та жамоа иштирок этиши кутилмоқда.