Франциянинг "Лилль" клуби собиқ ярим ҳимоячиси Рио Мавуба Эден Азар "Челси" клубига ўтиши олдидан вақтни қандай ўтказганлиги ҳақидаги хотиралар билан ўртоқлашди.
"Чемпионатни учинчи ўринда якунлашимизни билардик, лекин чемпионатнинг сўнгги ўйини "Нанси" клубига қарши эди. Биз кечки пайт сайр қилиш ва ичишга қарор қилдик, лекин бизнинг сайримиз чўзилиб кетди. Азар кечаси билан ухламади ва фақат ичди, лекин эртаси куни майдонга чиқиб ярим соат ичида хет-трик қайд этди. Эден - муҳим футболчи эканлигини йигитлар билан тушунгандик", - Мавубанинг сўзларидан иқтибос келтирмоқда The Independent.
Азар "Лилль" таркибида 2008 йилдан 2012 йилгача ўйнаган. У Франция клуби таркибида 194 та учрашувда майдонга тушиб, 50 та гол урган ва 53 та голга ассистентлик қилган. Ҳозирда 29 ёшли бельгиялик футболчи Мадриднинг "Реал" клуби шарафини ҳимоя қилмоқда.
