Англиянинг "Манчестер Юнайтед" клуби футболчиси Фред 2018 йили Манчестер шаҳрининг икки клубидан бирини танлашга тўғри келганини сўзлаб берди.
«Ўзимнинг Англия Премьер-лигасидаги дастлабки мавсумимдан кўнглим тўлмади. Ҳаммаси шунчаки даҳшатли эди. Узоқ вақт мослашиш муаммосига дуч келдим, ўзимнинг энг яхши ўйининимни кўрсата олмадим. Ва умуман муаммолар жуда кўп эди. Вақт ўтиб барчаси ўз жойига тушди ва «Олд Траффорд»да ўз ўрнимга эга бўлдим.
«Манчестер Сити» мени ўз сафига қўшиб олиш учун ҳаракат қилгани бор ҳақиқат. Мен учун замонамизнинг икки кучли мураббийлари – Жозе Моуриньо ва Пеп Гвардиолалар мени ўз жамоаларида кўриш ниятида бўлганликлари албатта ёқимли. Испаниялик мураббий тактик тарафдан кучли мутахассис саналади, лекин мен «беназир»нинг жамоасида ўйнашни хоҳлагандим, — деди Фред.
