«Аякс» клуби бош мураббийи Эрик тен Хаг дунёнинг энг яхши футболчисини ўйин услуби қандай ўзгаргани ҳақидаги фикрлари билан ўртоқлашди.
Эрик тен Хаг Хосеп Гвардиола қўл остидаги Месси билан ҳозирги Мессини ўзаро таққослади.
«Ҳар мавсумнинг якуний статистикасига кўра, аргентиналик футболчи ҳамон энг зўр футболчи бўлиб қолмоқда. Месси узоқ йил юқори савияда ўйнай олади. Лекин ҳозир анча заифроқ кўринадиган ўйинлар пайдо бўладиган ҳолатлар тез-тез учрайди. Илгари Пеп Гвардиола "Барселона"ни бошқарган пайтда бундай ҳодисалар деярли учрамаган.
Пеп даврида Месси кўпроқ жамоа учун ўйнарди. Энди бутун жамоа ўз сардори учун ўйнаётганини кўряпмиз. Бу бугунги Месси аввалги Мессидан ажралиб турганини намоён этмоқда», — деди Эрик тен Хаг.
