Украина терма жамоаси бош мураббийи Андрей "Instagram" саҳифасида А Сериянинг собиқ ҳужумчиси Кристиан Виери билан суҳбат қурди.
Хусусан, икки собиқ ҳужумчи Истамбулда бўлиб ўтган ЕЧЛ финали ҳақида суҳбат қуришди. Ўшанда "Милан" учта тўп билан олдинда бораётиб, якунда финалда мағлубиятга учраганди. Ўша баҳснинг энг яхши футболчиси "Ливерпуль" клуби дарвозабони Ежи Дудек деб тан олинганди.
Бу футбол тарихидаги энг қизиқарли учрашувларидан бири саналади. "Милан" биринчи бўлимдан сўнг 3:0 ҳисобида олдинда бораётганди, лекин, кейин қандайдир олти дақиқада мувозанатни йўқотиб қўйди. Қўшимча вақтларда Ежи Дудек Шевченконинг кетма-кет иккита аниқ зарбасини бартараф этиб, ҳақиқий мўъжиза яратади.
УЕФА ушбу эпизодни 23 март куни польшалик дарвозабон 47 ёшини қарши олганда эслади. - Ҳатто, ҳозир ҳам ўша видеони кўргим келмайди! Ушбу видеони кўрсам, дарҳол телефонимни жойига қўйиб, бошқа нарсалар билан шуғулланаман. Стоп, стоп! - деди Шевченко.
- Айтингчи менга, ҳаётида бирорта қийинчиликни бошдан кечирмаган қандайдир профессионални биласизми? Барчамиз инсонмиз. Биз мағлубиятдан кейин ўрнимиздан турамиз ва олдинга қадам ташлашда давом этамиз, - деди Виери Украина терма жамоаси бош мураббийига.
