Ukraina terma jamoasi bosh murabbiyi Andrey "Instagram" sahifasida A Seriyaning sobiq hujumchisi Kristian Viyeri bilan suhbat qurdi.
Xususan, ikki sobiq hujumchi Istambulda bo‘lib o‘tgan YECHL finali haqida suhbat qurishdi. O‘shanda "Milan" uchta to‘p bilan oldinda borayotib, yakunda finalda mag‘lubiyatga uchragandi. O‘sha bahsning eng yaxshi futbolchisi "Liverpul" klubi darvozaboni Yeji Dudek deb tan olingandi.
Bu futbol tarixidagi eng qiziqarli uchrashuvlaridan biri sanaladi. "Milan" birinchi bo‘limdan so‘ng 3:0 hisobida oldinda borayotgandi, lekin, keyin qandaydir olti daqiqada muvozanatni yo‘qotib qo‘ydi. Qo‘shimcha vaqtlarda Yeji Dudek Shevchenkoning ketma-ket ikkita aniq zarbasini bartaraf etib, haqiqiy mo‘’jiza yaratadi.
UYEFA ushbu epizodni 23 mart kuni polshalik darvozabon 47 yoshini qarshi olganda esladi. - Hatto, hozir ham o‘sha videoni ko‘rgim kelmaydi! Ushbu videoni ko‘rsam, darhol telefonimni joyiga qo‘yib, boshqa narsalar bilan shug‘ullanaman. Stop, stop! - dedi Shevchenko.
- Aytingchi menga, hayotida birorta qiyinchilikni boshdan kechirmagan qandaydir professionalni bilasizmi? Barchamiz insonmiz. Biz mag‘lubiyatdan keyin o‘rnimizdan turamiz va oldinga qadam tashlashda davom etamiz, - dedi Viyeri Ukraina terma jamoasi bosh murabbiyiga.
