Stadion.uz ёзда “Ньюкасл” жамоаси аъзосига айланишимумкин бўлган мураббий ва футболчилар борасида фикр алмашади.
Тез орада АПЛнинг энг бадавлат клубига айланиши кутилаётган “Ньюкасл” тренд мавзуга айланиб бўлди. Европанинг турлинашрлари ҳам юлдуз футболчиларни туманли альбионга катта пуллар эвазига йўл олишини тахмин қилиш орқали интригани янада оширмоқда. Бугун шу мавзу ҳақида суҳбатлашамиз.
Янги бош мураббийи – фаворит Маурисио Почеттино
Агар клубга катта пуллар “тикиладиган” бўлса, биринчилардан бўлиб Стив Брюс ишсиз қолиб кетиши турган гап. Барчанинг хаёлиги биринчи бўлиб жамоа афсонаси Кевин Киган келиши мумкин, бироқ,ишонинг,янги “Ньюкасл”ни шакллантириш учун 69 ёшли Киган бироз қарилик қилади. Ўз-ўзидан Маурисио Почеттино бу ўринга энг муносиб эканлиги чуқур ҳис этган бўлсангиз керак? Ёш, ғалабага чанқоқ ва курашувчан мураббий ўртамиёна жамоаларни грандга айлантириш борасида беназир саналади. Бундан ташқари, у танлаган трансферларнинг деярли 85 фоизи доимо нишонга теккан. Британия нашрлари берган хабарларга қараганда, аргентиналик мураббий аллақачон янги жамоасида кимларни таркибда кўриш борасида бош қотиришни бошлаб юборган. Хўш, ёзда “Ньюкасл” либосини кимлар кийиши мумкин?
Филиппе Коутиньо
Филиппени Почеттино “Тоттенҳем”да ишлаб юрган чоғлариёқ ўз жамоасида кўриш учун кураш олиб борган. Шахсан ўзи қўнғироқ қилишига қарамай, Филиппе “Бавария”да ижара асосида тўп суришни авзал кўради.
Омадсиз чиққан Мюнхен сафари, бразилияликнинг трансфер қийматининг тушиб кетиши ва “Барселона”нинг катта пулга муҳтож эканлигини инобатга олсак, “Ньюкасл” Почеттинонинг орзусини амалгаошириши мумкин.
Шунга қарамай, ярим ҳимоячи учун кураш осон кечмаслиги аниқ. “Ньюкасл” фақат катта пуллар билангина Коутиньони ўзига оғдириши мумкин. Умуман олганда, имкон бор экан курашиб кўриш шарт.
Эдинсон Кавани
Бу трансферни амалга ошириш учун “Ньюкасл”да имконият бошқа жамоаларникидан яхшироқ. Гап шундаки, Кавани ёзда эркин агент мақомини қўлга киритади. АПЛнинг янги бақувват клуби эса, УEФАнинг фейр-плей қоидасини бузмай туриб (трансфер учун пул сарф этмай туриб) уругвайлик футболчини ўз сафига қўшиб олишга қодир. Қисқачароқ қилиб айтганда, “Ньюкасл”да Каванини қўлга киритиш учун яхшигина имконият мавжуд.
Лука Йович
Лука борасида “Ньюкасл” яхшигина тер тўкишига тўғри келади. Гап шундаки, сербиялик форвард билан бирйўла бир нечта АПЛ клублари қизиқиш билдирмоқда. Улар орасида “Ньюкасл”нинг ҳам бор эканлигини инобатга олсак, Йович учун кураш аёвсиз кечиши аниқ.
Набил Фекир
Фекир “Бетис” учун керагидан ортиқроқ яхши футболчи эканлигини бир мавсумдаёқ исботлаб қўйди. Фекир айни дамда Испанияни тарк этишга тайёр. Қаҳрамонимиз ўз кучига ишонч хосил қилгач, туманли альбионда ўз кучини синаб кўришга қарши эмас. Аслида Фекир билан “Арсенал” музокаралар олиб борган бўлсада, “Бетис” билан унинг трансфери борасида келишувга эриша олмади. Эндиликда, “Ньюкасл” “Бетис” истаган пулни беришга қодир. Боз устига, янги лойиҳанинг илк иштирокчиси бўлиш, “Ла Лига”нинг кучли 10 лигидан жой олишдан анча обрўлиёқ.
Калиду Кулибали ва Дрис Мертенс
Аурелио Де Лаурентис сенегаллик ҳимоячи билан бир неча йиллардан бери топ-клублар қизиқаётганига қарамай уни жамоада олиб қолишда давом этмоқда. Боз устига, Кулибалининг шартномаси 2023-йилга қадар мўлжалланган бўлиб, уни “Наполи”дан куч билан тортиб олиш жуда мушкул.
Дрис Мертенс борасида бундай дея олмаймиз. Ёзда эркин агентга айланиши аниқ бўлиб улгурган белгиялик футболчини қўлга киритиш учун “Ньюкасл”да имконият юқори. Молиявий кризисдан чиққан клублардан сезиларли даражада юқори маош белгиланган шартнома таклиф этилса, Мертенс ўзининг сўнгги мавсумларида яхшигина пул ишлаб олишдан бош тортмаслиги мумкин.
Яна кимлар?
Аслида, “Ньюкасл”нинг кимни харид қилишини олдиндан айтиш жуда мушкул. Гап шундаки, жамоа юқори даражадаги ижрочиларга оғиз солишни бошлаб юборди. Боз устига, барча клублар пул билан муаммоларга дуч келган чоғда катта саҳнага чиққан “Ньюкасл”да ажойиб таркиб йиғиб олиш учун имконият мавжуд. Барчаси, бу футболчилар қандай калибирда бўлиши ва уларнинг трансферида мантиқ бўлиши талаб этилади. Агар жамоа постига шахсан Почеттино келадиган бўлса, жамоанинг трансфер бозордаги ишлари ҳам анча олдинга силжиши турган гап.
