Каталониянинг «Барселона» клуби ярим ҳимоячиси Иван Ракитич жамоадан кетиши мумкинлиги ҳақидаги хабарларга ўз муносабатини билдирди.
— Миш-мишларга ўрганиб қолдим. Мен бу ерда олти йилдан бери ўйнаяпман ва мен бу нарсаларга ўрганиб қолдим. Буни тўғри қабул қилишим керак, чунки футбол — шунчаки спорт эмас. Биз буни биламиз ва баъзан устидан куламиз. Асосийси, мен ўзимни яхши ҳис қиляпман ва мураббий ҳамда клубдан ижобий реакция оляпман. Менинг шартномам ҳали якунланмади, агар яна шартнома тузсам, у ҳолда уни ҳам охиригача якунлаб қўйишга режа қиламан. Агар бу ҳодиса содир бўлмаса, музокара столига ўтирамиз ва муҳокама қиламиз, лекин айни пайтда бу ерда бахтиёрман ва бошқа нарсалар ҳақида ўйлаяпман, - Ракитичнинг сўзларидан иқтибос келтирмоқда Sky Sport Deutschland.
