AS нашрининг хабарига кўра, "Реал" клуби "Севилья" вингери Лукас Окампосга қизиқиб қолди. Аргентиналик футболчи Ла Лигадаги дастлабки мавсумидаёқ 10та гол уриб, 2та голга ассистентлик қилди. У аввал "Марсель" шарафини ҳимоя қилган.
Маълумотларга кўра, "Реал" футболчи учун 60 миллион фунт тўлашга тайёр. 22 ёшли Лукаснинг шартномасидаги товон пули айнан шунча.
Манбанинг қўшимча қилишича, "қироллик клуби" Окампос учун бир нечта футболчиларини ҳам таклиф қилиши мумкин. Мадридликлар ҳимоячи Серхио Регилон ва "Арсенал" сафида ижарада тўп тепаётган Дани Себальосларни аргентиналик футболчи учун алмашишга тайёр.
