Франциянинг "Лион" клуби президенти Жан-Мишель Ола мусобақанинг қолган ўйинлари бекор қилиниб, чемпионатни муддатдан олдин якунлаб қўйгани учун Профессионал футбол лигани судга беришга тайёргарлик кўраётганини тасдиқлади.
Эслатиб ўтамиз, муддатдан олдин якунланган чемпионатнинг турнир жадвалига қараганда, "Лион" еттинчи ўринни эгаллади ва келаси йили Еврокубокларда иштирок этиш бахтидан мосуво бўлди.
- Биз бу борада узоқ ўйладик, омма барибир судга беришга қарор қилдик. Пул - "Лион"нинг асосий ташвиши эмас. Бу клуб энг пастдан энг юқорига чиқиб келган. Аввалига чемпионатни қайтариш имкониятларини ўрганиб чиқишларини талаб қилдик. Биз барча Европа мамлакатларида "яшил чироқ" берилган пртоколларни Бош вазир ва соғлиқни сақлаш вазири билан батафсил муҳокама қилишимиз мумкин. Иккинчи суд жараёни - бу мавсумни якунлаш ҳақида. Биз уларнинг қонунийми ёки йўқ, шуни аниқлашимиз керак- деди "Лион" клуби президенти.
