"Ювентус" ҳимоячиси Жоржо Кьеллини фаолияти давомида қайси ўйинчи ҳафсаласини пир қилганини айтди.

"Бу ҳақда автобиографиямда ҳам ёзгандим, яна такрорлашим мумкин. Марио Балотелли — ёмон инсон, у коллективни ҳурмат қилмайди. Конфедерация кубоги-2013 пайтида у жамоага ҳеч қандай ёрдам бермаган эди. У ўзининг суст ҳаракати билан калтак ейишга муносиб бўлган эди. Баъзилар уни жаҳоннинг энг кучли беш ҳужумчиси сафига киради, деб ўйлайди, аммо у ҳеч қачон кучли йигирматаликда ҳам бўлмаган.

Ундан ҳам ёмонроқ ўйинчи бор — Филипе Мело. У ҳақиқатан ҳам ёмонларнинг ёмони. Атрофдагиларни ҳурмат қилмайдиганларни ҳурмат қилмайдиганларни кўришга кўзим йўқ. Мело жамоада ўйнаганда кескинлик ҳукм сурарди ва бу исталган пайтда жанжалга айланиб кетиши мумкин эди. Мен бу ҳақда раҳбариятига айтган эдим. Яъни Филипе — "қурт еган олма".

Бу сўзларим улар билан кейинги учрашувимга таъсир қиладими? Менинг ёмон ниятим йўқ. Агар йигитлар билан гаплашишга тўғри келса, бу ишни қиламан. Ҳар бир инсоннинг дўсти бўла олмайман, аммо бу иккиси чегарадан чиқиб кетишган эди", — деди Кьеллини "Football Italia" нашрига берган интервьюсида.