Жанубий Корея Кей лигасининг 1-тур ўйинлари давом этмоқда. Икром Алибоевнинг "Сеул"и бугун сафарда "Кангвон" клуби меҳмони бўлди.

Мезбонлар тўпни назорат қилиб, қисқа паслар орқали ўйнашни яхши кўрадиган жамоа экани кўзга ташланди. Биринчи бўлимдаёқ улар сеулликларни анча қийнашди. Аммо ҳисобни очиш "Сеул"га насиб этди. Баҳснинг 36-дақиқасида Парк Донг-Жин томонидан 15 метрлардан йўлланган зарба натижасида тўп рекошет ҳолатида дарвозадан ўрин олди.

"Кангвон" иккинчи бўлим бошида ҳисобни тенглаштиришга муваффақ бўлди. Ўйин сўнгида эса улар иккита гол уриб, ғалабани ўз томонларига оғдиришди.

Учрашувни бошланғич таркибда бошлаган Алибоев 60-дақиқада захирага олинди.

Жанубий Корея Кей 1 лигаси, 1-тур. 12:30
«Кангвон» - «Сеул» - 3:1 (0:1)
Голлар:  Ким Жи-Хюн (52), Чо Жэ-Ван (85), Ким Сёнг-Дэ (87) — Парк Донг-Жин (36)
"Канвон": Ли Бум-Су, Шин Кванг-Хун, Ким Оҳ-Кю, Лим Чай-Мин, Ким Йонг-Бин, Хан Кук-Йонг, Жунг Сеок-Хва (Ли Хюн Сик 62), Ли Йонг-Жэ, Сео Мин-У (Ким Жи-Хюн 46), Ким Сёнг-Дэ, Чо Жэ-Ван
"Сеул": Ю Санг-Хун, Ким Нам-Чун (Ким Вон-Сик 45+2), Хванг Хюн-Су, Ким Жу-Сунг, Осмар, Ко Кванг-Мин, Жу Се-Жонг, Икром Алибоев (Го Йо-Хан 60), Ким Жин-Йа, Парк Чу-Йонг, Парк Донг-Жин (Пешич 72)