Лондоннинг "Арсенал" клуби ва Германия терма жамоаси собиқ дарвозабони Йенс Леманн коронавирус пандемияси борасида камроқ ташвишланиш керак деган фикрни билдирди.
"Ўйлашимча, коронавирус билан ярашиб олиш керак. Бунинг учун карантин коронавирусга қарши вакцина ёки дори ихтиро қилиш умидида киритилди. Ҳозирча бизда ҳеч нарса йўқ, лекин ҳамма нарсани ёпишимиз керак эмас, яшашда давом этишимиз лозим.
Футболчиларнинг соғлигида жиддий муаммо бўлмаса коронавирус билан курашишлари мумкин. Коронавирусни аломатсиз ўтказган кўплаб футболчилар бор. Ёшлар учун бу катта муаммо эмас деб ўйлайман", - Леманнинг сўзларидан иқтибос келтирмоқда BEIN Sports.
