Англия футбол ассоциацияси (ФА) ва Ҳалқаро футбол федерация (ФИФА) ўртасидаги даъво спорт арбитраж суди (КАС) томонидан кўриб чиқилади.
Маълумки, 2019 йилнинг феврал ойида ФИФА «Челси» янги футболчиларни рўйхатдан ўтказиши учун иккита трансфер ойнасига таъқиқ қўйганди. Бу вояга етмаган футболчиларнинг трансфери борасида йўл қўйган хатоси учун жазо эди.
Шунингдек, ФИФА "Челси" клубини назоратсиз қолдиргани учун Англия Футбол Ассосциациясига 500 минг фунт жарима қўллаганди. Кейинроқ эса жарима миқдори 290 минг фунтга қисқартирилганди.
2019 йилнинг декабрь ойида спорт арбтираж суди "Челси"нинг даъво аризани кўриб чиқди ва жазо муддатини қисқартирди. Энди ФА жарима миқдорини яна камайтириш учун кураш олиб бормоқчи.