«Барселона» сардори Лионель Месси испан ОАВга берган интервьюсида мавсумнинг қайта бошланиши ва бўлажак трансферлар юзасидан фикр юритди.

«Юзага келган танаффус бизнинг фойдамизга ишлаши мумкин. Мавсум қайта бошланадиган бўлса, шунда хулоса қилишимиз мумкин. Жисмоний жиҳатдан ўзимни яхши ҳис қиляпман. Уйда шуғулланганим учун формамни сақлаб қола олдим.

Касаллик юқтириш хавфи ҳамиша мавжуд. Лекин бу ҳақда кўп ўйлаш керак эмас. Акс ҳолда бу ҳеч нарсага олиб келмайди. Аммо биз эҳтиёт чораларига амал қилишимиз керак. Мавсумнинг қайта бошланишини интизорлик билан кутяпман. Томошабинларсиз ўйин ноодатий бўлишини тушуниб турибман.

Трансферлар борасида эса, клубда у билан шуғулланадиганлар бор. Таркибимизга мос келадиган ўйинчиларни уларни танлаши керак. Ҳозирги паллада бозорда ўзгаришлар рўй беради. Жамоани кучайтириш учун тўғри қабул қилиш керак.

Лаутаро? Жамоа у билан музокара олиб боряптими ёки йўқми, хабарим йўқ. Аввал айтганимдек, Лаутаро — ажойиб ҳужумчи. У кучли, дриблингни яхши ишлата олади, гол сезиш ҳиссиётига эга, тўпни қандай ушлаб туришни билади», — деди Месси "Marca" нашрига берган интервьюсида.