Лондоннинг «Челси» клуби ҳужумчиси Тэмми Абрахам Англия чемпионатининг жорий мавсумда қайта тикланиши ҳақидаги фикрлари билан ўртоқлашди.
— Биз инсонмиз ва бизда ҳис-туйғулар бор. Барчамиз дунёда содир бўлаётган воқеаларни кузатиб боряпмизми ва энди футболга қайтиш хавфлими ёки йўқми буни тушунишга ҳаракат қиляпмиз. Менинг отамда астма бор, шунинг учун бу касалликни уйга олиб кириш энг ёмон нарса. Умид қиламанки, бу ҳеч қачон содир бўлмайди, — Абрахамнинг сўзларидан иқтибос келтирмоқда The Mirror.
