Англиянинг «Манчестер Юнайтед» клуби чап қанот ҳимоячиси Люк Шоу бош мураббий ёрдамчиси Майкл Каррик ҳақида фикр билдирди.
«Биз нафақат «Манчестер Юнайтед», балки, бутун Англия ҳақида гапиряпмиз. Бу футболчи ўз вақтида тан олинмаган. Мен «Олд Траффорд»га энди келган чоғларимда у у аллақачон жамоанинг ҳурматли футболчилари қаторида эди.
Майклнинг машғулот пайтидаги ҳаракатларини кўриб, у яна Премьер-лигада узоқ ўйнай олишига ишониш мумкин. Ишончим комилки, у фаолияти мобайнида кўрсатган ўйиничалик қадр топмаган. «Манчестер Юнайтед»нинг ўша пайтлардаги ютган унвонларига назар ташласангиз, барчасида Каррикнинг улкан ҳиссасига гувоҳ бўласиз», — деди Люк Шоу.
