Мюнхеннинг «Бавария» клуби бош мураббийи Ханс-Дитер Флик юзага келган икки ойлик танаффусдан кейин футболчиларнинг жисмоний ҳолатига баҳо бера олмаслигини тан олди.

«Жамоамиз машғулотларда яхши ишлаб, сўнгги ҳафтани жуда ажойиб тарзда ўтказди. Якшанба куни 20 дақиқалик назорат учрашувини ўтказди. Аммо футболчиларим ўйинда 90 дақиқа тўлиқ масофани босиб ўта олишадими ёки йўқми, буни билмайман.

Умуман олганда, жамоа тайёргарлик машғулотларини аъло даражада олиб борди. Аммо, менинг жамоам биринчи расмий ўйинда карантин шартларига қандай амал қилишини билмайман.

Видео алоқалардан фойдаланиб, биз ҳатто баъзи тактик масалалар устида ишлашга ҳаракат қилди. Биз баъзи бир видеоёзувларни томоша қилдик ва олинган маълумотларни таҳлил қилишга ҳаракат қилдик», — деди Ханси Флик.