Мадриднинг «Реал» клуби ярим ҳимоячиси Тони Кроос амалдаги шартномасини охиригача бажармоқчи.
«Кейинги уч мавсумни Мадридда ўтказиш бўйича аниқ бир мақсадим бор, чунки, клуб билан яна уч йиллик шартномам бор. Қачонки у ўзининг юридик кучини йўқотса, менинг ёшим 33да бўлади. Ўйлайманки, кейин ўша ёшимда энди нима қилиш керак деган саволни ўртага ташлаш мантиқан тўғри бўлади. Эҳтимол, ўз кучимни Премьер-лигада синаб кўриш учун етарли мотивацияга эга бўларман.
Мен яна бир неча йил ўйнаш учун куч ва истак топиш вариантини истисно қилмайман. Қачонлардир Туманли Альбиондан тушадиган таклифларни қабул қиламан. Бу чемпионат жуда қийин эканлигини тушуниш керак. АПЛда ўйнаш учун сиз маълум бир талабларга жавоб беришингиз керак», — деди Тони Кроос.
