Уругвайлик ярим ҳимоячи Италия А Сериясида тўп суришни хоҳламоқда.
Лондоннинг "Арсенал" клуби футболчиси Лукас Торрейранинг агенти мижози лондонни тарк этиш ниятида эканлиги ҳақидаги хабарларга ойдинлик киритди. Футболчи Италияга қайтишни катта мақсад қилган.
«Арсенал» билан гаплашиб олишим керак бўлади. Гап шундаки, Лукас Италияга қайтишни хоҳламоқда. Шуни айтишим керакки, у билан клуб ўртасида ҳеч қандай муаммо йўқ. Унга яхши муносабатда бўлишмоқда», – деди Торрейранинг агенти Пабло Бентанкур.
Торрейра икки мавсумдан бери «Арсенал» клубида ўйнаб келмоқда. Аввал у Италия чемпионатида «Сампдория» клубида ўйнаган.
